Mini ангилал дотроо хамгийн про түвшний дрон DJI "Mini 5 Pro" мэндэллээ. Яагаад вэ гэж үү? Сонирхогчийн түвшинд best seller дрон болох Air 3S-ийн жижигрүүлсэн хувилбар. Ердөө 249 грамм жинтэй хэрнээ биедээ баймгүй үзүүлэлтийг өөртөө шингээжээ. 👉 1 инчийн өргөн мэдрэгч бүхий камер, 50 мегапиксел зургийн нягтаршил, сайжруулсан 360 градусын дагах функц, бүх талруу харсан саад мэдрэгч, бүдэг гэрэлтэй орчинд саадыг мэдрэх чадвар гээд олон давуу талуудыг бий болгожээ. 👉 Босоо форматын бичлэг хийхэд зориулагдсан 225 градус чөлөөтэй эргэх гимбал мотор нь мэдээж энэ дроны хамгийн том давуу тал юм. 👉 Өмнөх загварын адил энгийн болон хүчин чадал өндөр 2 төрлийн батарейний сонголттой. Энгийн батарей нь 36 хүртэл минут нисэх бол plus батарей нь 52 минут. Энэ бол consumer түвшний дронуудын дээд үзүүлэлт гэж хэлж болохоор болжээ.